Удавас Тывага чылда 2 хуу чиигелделиг ипотека чээлизин берип эгелээр

Дата: 13 сентября 2023 г. 20:26 | Категория: Политика | Формат новости: Видеосюжет

Чурттаар оран-сава айтырыы республиканың хөй-хөй чурттакчы чонун дүвүредип турар чугула айтырыгларның бирээзи. Ынчангаш удавас 2 хуу чиигелделиг ипотека чээлизин Тывага берип эгелээр дээни – эки медээ болуп турар. Тываның Чазааның федералдыг удуртулга-биле чорудуп келген улуг ажылының түңнелинде мооң мурнунда чүгле Ыраккы Чөөн чүкке хамааржыр регионнарга боттандырып турган чиигелделиг ипотека чээлизи бээр программаны Тывага база боттандырар айтырыг шиитпирлеттинген. Ооң-биле чергелештир ол-бо социал четкилерге “ам бажың-балгат өртээ оранчок өзе бээр” дээн чергелиг хоп-чип чугаалар дыргын апарган. Чиигелделиг ипотека өртектер өзеринге салдар чедирер бе дээрзин билип алыры-биле, республиканың Тудуг яамызынга чеде бердивис.