Чаа соруктуң хөөннери

Дата: 14 октября 2021 г. 17:53 | Категория: Экономика/Нацпроекты | Формат новости: Видеосюжет

Кызылда Улусчу чогаадылга болгаш дыштанылга төвүнүң специалистери хөгжүмчү болгаш үн оператору Шолбан Ондарның эгелээшкини-биле «Чаа соруктуң хөөннери» төлевилелди ажылдап кылган. Ооң кол сорулгазы кеземче херээн эрттиргеш, хосталып үнүп келген кижилерниң аразында салым-чаяанныг хөгжүмчү, ыраажыларны илередип тывары болур. Ынчангаш кожуун, суурларда ажылдап, чурттап чоруур хөгжүмчүлерден тургустунган (ВИА) ыры-хөгжүм ансамбльдериниң аразынга мөөрейни чарлаан. Бо хүннерге чедир шупту 13 бөлүктер болгаш 70 ажыг хөгжүмчүлер конкурска киржир күзелин илереткен.
(Тематика от 14.10.2021)