Чаңчылдар: тыртыг болгаш тудугжу
«Тыва 24» телеканал Тыва үндезин культура төвү биле кады «Чаңчылдар» деп чаа дамчыдылганы эгелээн. Төлевилелдиң кол сорулгазы - тыва чоннуң буруңгу езу-чаңчылдарының дугайында телекөрүкчүлерге сонуургадып, тайылбырлап, көргүзери. Үндүрүлге бүрүзүнде тыва чоннуң онзагай культуразының, чаңчылдарының аңгы-аңгы талаларын ажыдып, ооң ханы дөстери-биле таныштырар бис. Бир дугаар аалчывыс – Тываның улустуң башкызы Валентина Бегзиевна Монгуш ие кижиге хамаарышкан буруңгу тыва ужурларны сонуургадып, тайылбырлаан.
