Сарыг шажынның бурганнарының овурунда езу-чаңчылдар болгаш дүрүмнер: ус-шеверниң көрүжү

Дата: 24 февраля 2026 г. 17:59 | Категория: События | Формат новости: Видеосюжет

Сарыг шажынның бурганнарын чурууру дээрге анаа-ла уран чогаадылга эвес, а шыңгыы дүрүмнер болгаш чаңчылдар сиңниккен ыдыктыг уран чүүл. Овур-хевир бүрүзүнде сагылганың ханы утказын илереткен,  тускай күштү болгаш мерген угаанны дамчыдарынга дузалаар хемчээлдери, туружу, өң-чүзүнү, им-демдээ шыңгыы сагыттынган болур ужурлуг. Дамчыдылгавыстың ээлчеглиг үндүрүлгезиниң маадыры - улуг арга-дуржулгалыг чурукчу. Ол элээн хөй чылдарда Национал театрга шиилерниң каасталгазын кылыр цехке ажылдап турган. Бөгүн ол Тубтен Шедруб Линг хүрээзинде ыдыктыг овур-хевирлерни чуруп турарындан аңгыда, лама-башкыларга бодунуң билиин база дамчыдып берип турар. Ол өөреникчилерге сарыг шажынның чаңчылчаан чуруктарының чажыттарынга өөредип, шыйыг, өң бүрүзүнүң шажынчы утказын ханы билип алырынга дузалап, мастер-класстарны эрттирип турар. Таныжыңар, Сергек Александрович Салчак.