Сөөлгү үш чылда республиканың оруктарынга 313 кижи амы-тынындан чарылган

Дата: 18 ноября 2025 г. 19:34 | Категория: Общество/Правоохранительные органы | Формат новости: Видеосюжет

Эрткен неделяда бүгү делегей Орук озал-ондаанга когараан, амы-тынындан чарылган кижилерге сактыышкын хүнүн демдеглээн. Тывага ол хүнге тураскаадып, айыыл-халапка таварышкан кижилерге дузаламчы кылдыр ханын дужаап, янзы-бүрү акцияларны болгаш социал ужур-уткалыг хемчеглерни эрттирген. Тываның Орук транспорт яамызының Хөй-ниити чөвүлели, Орук шимчээшкининиң айыыл чок чоруунуң күрүне инспекциязының ажылдакчылары болгаш волонтерлар Арбат шөлүнге медээ-суртаалдыг акцияны эрттирген. Хемчегге бистиң тырттырар бөлүүвүс база киришкен.