Эдуард Дамдын – хөөмейжи, багжы, аас чогаалдың кадагалакчызы, ус-шевер...

Дата: 1 февраля 2025 г. 10:00 | Категория: События | Формат новости: Видеосюжет

Тывалар шаг-шаандан бээр уран талантызы-биле алдаржаан чоннарның бирээзи. “Ыры хааны Тывага дүъш эрттиргеш, Моолга хонган” деп тоол-домак бар, ынчангаш тыва чоннуң хөөмей-сыгыды онзагай, тускай, а моол чоннуң ыры-шоору кайгамчык дижир. Тываның хөөмейжилериниң сыгыт-хөөмей, каргыраазының тааланчыг, уян-чараш күүселдези чүгле Россияда эвес, а бүгү делегейде сурагжаан. Фольклор-этнографтыг «Тыва» ансамблиниң уран чүүл удуртукчузу Эдуард Дамдынны улус-чону хөгжүмчү кылдыр билир. Ынчалза-даа Тываның улустуң хөөмейжизи аңгы-аңгы материалдар-биле ажылдаар, алдын холдуг ус-шевер база. Ол тыва чаны чазап, кылып чоруур мастерлерниң бирээзи. «Тываның ус-шеверлери» дамчыдылганың ээлчеглиг үндүрүлгезиниң аалчызы - салым-чаяанныг Эдуард Дамдын.