Тываның шылгараңгай оглун сөөлгү оруунче үдээн

Тыва уран чүүл ханы кажыыдалга таварышкан. Уран номчулганың тергиини, шоодуглуг басняларны болгаш тыва чогаалдарны сценадан кайгамчыктыг салым-чаяанныг, чечен-мерген арга-биле номчуп күүседип чораан, Россия Федерациязының улустуң артизи, Тыва Республиканың улустуң артизи Люндуп Иргитович Солун-оол үр эвес аараан соонда, бистен чарлып чоруткан. Тыва чоннуң ынак артизин Виктор Көк-оол аттыг Хөгжүм-шии театрындан сөөлгү оруунче үдээн.

(Сюжет от 16.01.2023)