Үе-шаанда хоолайларны аштап-арыглаары амы-тынны камгалап болур

Дата: 24 января 2024 г. 18:36 | Категория: Общество/Социальная сфера | Формат новости: Видеосюжет

Угарлыг газ – каракка көзүлбес, думчукка чытталбас, амы-тынга онза айыылдыг дайзын. Оон камгаланыр дизе, бажың одап тура, печканың ыш үнер оруктарын, хоолайын чогуур үе-шаанда ыш-хөөден аштап-арыглаары негеттинер. Тываның үстүг, хоолулуг хөмүр-дажы улуг бүдүрүлгелерге таарымчалыг эки шынарларлыг, ынчалза-даа чер бажыңнар одаар бөдүүн печкаларның ыш үнер оруктарын, хоолайын үр үе эртпээнде ыш-хөө-биле дуй чыдыптар болгулаар. Чүгле Тываның хөмүрү эвес, өске регионнардан эккеп турар хөмүр-даш база үези келирге, дөмей-ле хоолайны дуй чыдыптар болур. Ынчангаш кышкы үеде печкаларны шыңгыы хыналда адаанга тудуп, үе-шаанда аштап-арыглаарындан амы-тынга, кадыкшылга айыыл чок чорук хамааржыр. Шак ол ажылды чорудуп турар тускай мергежилдиг кижилер шаандагы үелерден бээр турган, а амгы үеде барык чаа, ажыктыг мергежил кылдыр өөредип турар база апарган. Бо бүгү байдалды бистиң корреспондентивис сонуургап, сайгарып көрген.