“Хөмүр-даш продукциязы” деп күрүнениң медээлел системазы Тываның кожууннарында кайы хире үре-түңнелдиг ажылдап турарыл?

Дата: 13 декабря 2023 г. 15:31 | Категория: Экономика | Формат новости: Видеосюжет

Одаар чүүлдү садып-саарарының өртек-үнезин чурумчудары-биле, Тываның Баштыңы Владислав Ховалыгның даалгазы езугаар республиканың кожууннарында одалга складтары сөөлгү каш чылда ажылдап турар. Хөмүр-дашты уургайдан садып алгаш, өртээн каш катап өстүргеш, улаштыр садып-саарып турар сайгарлыкчыларның санын эвээжедип, оларның ажылын чурумчудары-биле, регионнуң Одаар чүүл болгаш энергетика яамызы “Хөмүр-даш продукциязы” деп күрүнениң чаа медээлел системазын ажылдап кылган. Чаа системаның ажылының үре-түңнелдиин сайгарып көөрү-биле “Тыва 24” телеканалдың тырттырар бөлүү Тес-Хем кожууннуң одалга складынга барып четкен.