ШЕМИДЕ ЭЗИРЛЕР УЯЗЫ

Чөөн-Хемчик кожууннуң Шеми суурда «Эзирлерниң уязы» деп спорт залды ажыглалга кииргени база анаа эвес. Тыва Арат Республиканың Наадым хүрештеринге 3 удаа шүүлген сураглыг мөге Арзылаң Чамыяң, ол ышкаш 1975-1980 чылдарда самбо база хостуг хүрештерге спорт мастери Кушкаш-оол Ховалыг болгаш 2017 чылда аныяктар аразынга Наадым хүрежинге үжүүрлешкен мөге, сумога Россияның болгаш Европаның чемпиону Мөңге-Эртине Куулар олар аныяк салгалдың мөгелеринге үлегер-чижек. Амгы үеде бичии мөгелер, школачы уруглар Айнара Монгуш база Найрана Ооржактың ат-сывы Россия чергелиг маргылдааларда чаңгыланнып эгелээн.

(Сюжет от 23.12.2021)