Тыва дылдың амгы байдалы болгаш келир үези

4 чыл бурунгаар, 2016 чылда Тываның улустуң чогаалчызы Александр Даржайның киирген саналы-биле Тываның Баштыңы Шолбан Кара-оол чылдың-на ноябрь 1-де, тыва дыл хүнүн демдеглээр талазы-биле Чарлыкка ат салган. Ынчангаш, эртемденнер, тыва дыл болгаш чогаал башкылары ол ышкаш тыва дылда бижип чоруур журналистер 2020 чылдың ноябрь 1-де, “Тыва дыл” байырлалының хүнүнде база чаңгыс черге чыглып кээп, эртем-практиктиг конференцияны эрттирер, тыва дылды хумагалап арттырарынга хамаарышкан чидиг айтырыглар дугайында чугаалажыр.
-----------------
«Хүннүң чугула айтырыы” деп дамчыдылганың бөгүнгү аалчызы, Тываның күрүне университединиң профессору, филология эртемнериниң доктору Мира Викторовна Бавуу-Сюрюн тыва дылдың амгы байдалы, келир үезинге хамаарышкан бодалдары-биле үлешкен.

(Тематика 26.10.2020)