ЭРЗИНДЕ САКТЫЫШКЫННЫҢ СЕСЕРЛИИ

Эрзин кожуундан Ада-чурттуң Улуг дайынынга киришкен тыва эки
турачыларга тураскаалды болгаш сесерликти эрткен вектиң 90 чылдарында ажыткан. Чылдың-на Улуг Тиилелгениң юбилейлери таварыштыр, тураскаалдың девискээрин чугайлап, дозулаар чаагайжыдылга ажылдарын чорудуп турар.

Бо удаада Улуг Тиилелгениң 75 чылдааны таварыштыр Россияның
президентизиниң чарлыы-биле Сактыышкынның болгаш Алдарның чылын чарлаан, ооң-биле чергелештир бүгү делегейде “Сактыышкынның сесерлии”деп акция база эгелээн.

Өгбелерниң маадырлыг чоруун мөңгежидер сорулгалыг буянныг ажыл-херекти эрзинчилер база деткип, ниитизи-биле 200 хире шивилерни, пөштерни болгаш хадыңнарны бо хүннерде тарып, олурткан.

(Тематика от 29 апреля 2020 г.)