“Шын” солун 95 харлаан

Бөгүн август 31 – республикада ниитилел-политиктиг болгаш эң хөй чагыдыкчыларлыг “Шын” солун үндезилеп тургустунгандан бээр 95 чыл болган. Солун тыва парлалганың оруун изеп, журналистерни, полиграфистерни, интеллигенцияны, чогаалчыларны белеткээриниң эгезин салган.
Оон аңгыда, “Шын” солун амгы тыва литературлуг дылдың сөс курлавырын байлакшыдарынга база үлүг-хуузун киирген.
“Шынга” ажылдап чораан сураглыг кижилерниң аразындан Тываның улустуң чогаалчылары Салим Сүрүң-оол, Юрий Кюнзегеш, Кызыл-Эник Кудажы, журналистер Күстүгүр Сат, Даңгыт Чыдым болгаш Алексей Аир дээш өскелерни-даа бо байырлалда сактып болур.

(Тематика от 31.08.2020)