Барыын-Хемчик кожуун – 95 харлаан!

Август 21-де, Барыын-Хемчик кожуун үндезилеп тургустунгандан бээр, 95 чыл болган юбилейин демдеглеп эрттирген. Байырлыг хемчеглерден аңгыда, сөөлгү 5 чылдарның дургузунда чедип алган чедиишкиннерин база түңнеп үндүрген. Ооң бирээзи кожуун төвү Кызыл-Мажалык суурда, “Дамырак” уруглар садынга немелде оран-саваның тудуун хамаарыштырып болур. ”Демография” национал төлевилелдиң акшаландырыышкыны-биле муниципалдыг бюджеттиг школа назыны четпээн уругларга өөредилге черинге 30 олут немешкен соонда, ам ниитизи-биле 70 олуттуг ясли-сад сентябрь 1-де ажылдап эгелээр.

(Сюжет от 24.08.2020)