АВГУСТ 13 – СОЛАГАЙ ХОЛУ-БИЛЕ БИЖИИР КИЖИЛЕРНИҢ ХҮНҮ

Бөгүн август 13 – солагай холу-биле бижиир кижилерниң хүнү. Солагай улустуң оң талакы мээзи эки ажылдаар, оң талакы холу-биле бижиир кижилерниң солагай талазында мээзи эки ажылдаарын эртемденнер тодараткан. Оларның аразында чогаадыкчы салым-чаяанныг улус хөй болур. Ынчангаш солагай кижилерниң аразында актерлар, композиторлар, шүлүкчүлер болгаш чурукчулар хөй таваржыр. Сураглыг политиктер Фидель Кастро, Рональд Рейган, эртемденнер Никола Тесла, Исаак Ньютон солагай холу-биле бижиир улуска хамааржыыр. Амгы үеде сураглыг боксер, тренер Оскар Де Ла Хойа болгаш алдарлыг боксер Мени Пакьяо солагай кижилер болур.

(Тематика от 13.08.2020)