Эрзин кожуунуң Мөрен суурда Культура бажыңының септелгези

Дата: 28 мая 2020 г. 11:13 | Категория: Общество/Культура | Формат новости: Видеосюжет

Эрзин кожууннуң Мөрен суурда культура бажыңы 1978 чылда туттунган. Оон бээр бо хүннерге чедир агар септелге ажылдарын чорудуп көрбээн. Бо чылын Тыва Республиканың Чазааның болгаш культура яамызының деткимчези ол ышкаш “Культура” деп федералдыг төлевилелдиң ачызында капитал септелгени чорудуп эгелээн.
Ниитизи-биле 200 олуттуг көдээ клубта септелге ажылдарында, Ренат
Кууларга удурткан тудуг бригадазы хаара тутттунган. Бо хүннерге чедир клубтуң серизи база даштыкы чаагайжыдылга ажылдары доозулган. Амгы үеде тудугжулар иштики шеверлел ажылдарынче кирипкен. Эрзин кожууннуң культура килдизиниң даргазы Ольга Яндааның дыңнадып турары-биле, Мөрен культура бажыңының оран-савазынга, амгы шагның компьютер дериг-херексели-биле четчелеттинген, информастыг технологиялар-биле ажылдаар чаа модельдиң ном саңы база ажыттынар.
Бистиң республикада Чөөн-Хемчик кожууннуң Тев-Хая суур, Кызыл
кожууннуң төвү Каа-Хем суурда ном саңнары-биле кады Эрзин кожуунга үш дугаар чаа үениң негелдезинге дүгжүп турар библиотека ажыттынары бо.

(Сюжет от 28.05.2020 г.)