Коронавирус үезинде Тубдиспансерниң ажылы

Коронавирус үезинде, республиканың тубдиспансери демиселдиң мурнуку одуруунда деп болур. Кол угланыышкыны өкпе арыг улусту эмнээр ажылы-биле чергелештир COVID чыпшырып алган чадавас – деп, баш бурунгаар диагноз салган кижилерни хүлээп ап турар. Эмнээшкинден аңгыда, тубдиспансерниң девискээринче онза айыылдыг аарыгны эрттирбези. Ынчангаш маңаа келген дүрген дуза чедирер машиналарга хлор, спирт холумактыг болгаш өске-даа химиктиг бүдүмелдер-биле дезинфекция арыглаашкын чоруткан соонда, херим иштинче киирер.

Бо эмнелгениң оран-савазы коронавирус аарыы-биле демиселге аажок эптиг. Аарыг улусту эккелген дүрген дуза чедирер албан чериниң эмчилери ниити эвес, аңгы эжиктен кире бээр. Эмчи шинчилгезин эртирип турар компьютер томографиязы 24 шак иштинде, чоннуң кадыы дээш демисежип, бир хүнде-ле 70-80 хире кижилерге диагнозту салып турар. Республиканың тудбиспансериниң кол эмчизи Рустам Чудаан-оолдуң тайылбыры-биле алырга, 300 хире эмчилер, медсестралар болгаш санитарларның хөй кезии амгы үеде бот-хоргадаашкыны сагып турар болганындан, ажылдап турар
эмчилерниң санын 3 катап эвээжээн. Ынчалза-даа бажыңында олурар 200 хире өкпе аарыг кижилерни база эмчилер доктаамал хайгаарап турар.

(Сюжет от 27.05.2020 г.)