МӨҢГҮН-ТАЙГАДА КӨВҮРҮГЛЕР, ОРУКТАРНЫ СЕПТЕП ТУРАР

Дата: 28 июля 2020 г. 10:54 | Категория: Экономика/Строительство | Формат новости: Видеосюжет

Ийи неделя бурунгаар республиканың чамдык кожууннарынга үрүлчүлелдиг суггур чаъстарның түңнелинде, хемнер-сугларның деңнели көдүрлүп, чоннуң аргыжылга айтырыгларынга берге байдалды тургускан. Ооң бир көскү чижээ, Хандагайты-Мугур-Аксы аразында регионалдыг автооруктуң 107, 120 дугаар километринде, 3 көвүрүг болгаш 2, 7 километр автоорукту эриин ашкан хем чуй шаапканы болур. Тыва Республиканың орук-транспорт яамызының специалистериниң тайылбыры-биле алырга, бо хүннерде “Дорожник” болгаш “Восток” кызыгаарлаттыган харыысалгалыг ниитилелдерниң орук база көвүрүг кылыр талазы-биле ажылчыннары Мөңгүн-Тайга кожуунда үер-чайыктың уржуундан үрелген оруктар болгаш көвүрүглерниң септелгезин чорудуп эгелээн.

(Сюжет от 28.07.2020)