Хөлдерде айыыл чок чоруктуң хыналдазы

Уругларның сугга айыыл чок чоруу - хөй-ниитичилерниң кичээнгейинде. “Чаңгыс демниг Россия” партиязындан Тываның Дээди Хуралында депутады, “Россияның адалары” шимчээшкининиң төлээзи-биле кады Дус-Хөл биле Хадыңда чоннуң дыштаныр черлериниң хыналдазын кылган. Хынакчылар эштир черлерниң арыг-силиин, чоннуң дыштанырынга таарымчалыг байдалын хандырар инфраструктураның хөгжүлдезин үнелеп, эштир сезоннуң кол дүрүмү –бичии уругларга хамаарыштыр ада-иениң, улуг улустуң талазындан онза серемчилелдиг болуру дээрзин сагындырган. Тодаргайы-биле бистиң сюжедивисте.