Хоорайжыткан Каа-Хем суурнуң 2 дугаар школазында орук шимчээшкининиң айыыл чок чоруунуң кабинеди ажыттынган

Дата: 16 декабря 2025 г. 16:50 | Категория: Общество/Социальная сфера | Формат новости: Видеосюжет

Орукка уругларның айыыл чок чоруу дээрге улуг улустуң болгаш школачыларның боттарының хүн бүрүде харыысалгазы болур. Орук шимчээшкининиң культуразын бичиизинден эгелеп хевирлээри чугула. Каа-Хемниң 2 дугаар школазы оруктуң айыыл чок чоруунуң дүрүмнерин чүгле теория кырынга эвес, а практика кырынга медередип өөредиринче чугула базымны кылган. Бистиң коллегавыс тодаргайы-биле билип алыр дээш, чаа кабинеттиң ажыдыышкынынга четкен.