«Сыртыктың чажыды - өгбелерниң өнчүзүнден»

Дата: 11 февраля 2025 г. 16:23 | Категория: События | Формат новости: Видеосюжет

Тыва кижиниң амыдыралынга сыртык ханы уткалыг болгаш ужурлуг. Ол өг-бүлениң ыдыктыг эди болур. Сыртыктың иштинге уруг-дарыг хирни, янзы-бүрү каасталгалар болгаш өске-даа үнелиг эдилелдерни өгбелеривис шыгжаар турган. 2023 чылда билдингир тыва шевер, хууда сайгарлыкчы Эльвира Ооржак бүгү чурттуң «Россияның эң тергиин 100 барааны» мөөрейниң тиилекчизи, дипломантызы болган. Ус-шеверниң дараан тыва сыртыктары ынчалдыр Россияның эң эки барааннарның чизезинче киргеш, «Тергиин шынарлыг» деп хүндүлүг демдекке төлептиг болган. «Тываның ус-шеверлери» дамчыдылганың ээлчеглиг үндүрүлгезиниң кол маадыры – Эльвира Апый-ооловна Ооржак. Бистиң тырттырар бөлүүвүс ус-шеверниң мастерскаязынга четкен.