Арагалаар ава – өг-бүлениң багы.

Федералдыг болгаш регион деңнелинге өг-бүлелерге деткимче чыл санында-ла улуг хемчээлдиг болгаш янзы-бүрү хевирлерлиг. Чижээлээрге, Тываның Баштыңы Владислав Ховалыгның эгелээшкини-биле ажы-төлдүг өг-бүлелерниң амыдырал-чуртталгазының байдалын экижидеринче угланган социал программаларны ажылдап кылып, чедиишкинниг боттандырып турар. Ынчалза-даа чамдык ада-иелер күрүнеден уругларга берип турар акшаны уруг-дарыының азыралынга эвес, а арага-дарыга чарып турарын амыдыралдан көскү. Арагачы ада-иелер шын орукка туруп, чуртталгазын экижидип шыдаан бе дээрзин билип алыры-биле бистиң корреспондентивис рейдиже үнген.