Мерген угаан, салым-чаяан, чараш чүүл. Тывага республиканың иелериниң аразынга «Кадын-2025» деп мөөрей болуп эрткен

Дата: 2 декабря 2025 г. 14:36 | Категория: Общество/Культура | Формат новости: Видеосюжет

Эрткен дыштаныр хүннерде Тываның Национал театрынга Авалар хүнүнге, Ада-чурт камгалакчызының чылынга болгаш Ада-чурттуң Улуг дайынынга Тиилелгениң 80 чылынга тураскааткан «Кадын-2025» деп мөөрей болуп эрткен. Хемчегни өг-бүлениң үнелиг чүүлдерин быжыглаар база тыва чаңчылдарны, национал дылды кадагалаар сорулга-биле эрттирген. Мөөрейге Тываның аңгы-аңгы булуңнарындан херээжен чон киржип, салым-чаяанын көргүскен.